Sunday, 20 May 2012

యితఁడేనా? యితఁడా? యితండ? యితఁడా? యీతండ? యీతండటే?

శ్రీ కంది శంకరయ్య గారు "శంకరాభరణం" బ్లాగునందు  06-07-2011 న ఇచ్చిన సమస్యకు నా పూరణ.


సమస్య - యితఁడేనా? యితఁడా? యితండ? యితఁడా? యీతండ? యీతండటే?


పెద్దవాడైన శ్రీ కృష్ణుని జూచి వ్రేపల్లె వాసులు ఆశ్చర్యంతో ...

మతిపోయెన్ మన కృష్ణు జూడ , గతమున్ మాయింట పాల్వెన్నలన్
జత గాళ్ళందర గూడి దొంగిలి, కనన్ జారేను గా పిల్లిలా !
పతి లోకంబుల కాయె నేడు కనగా , బాలుండు పాలుండయెన్ !
యితఁడేనా? యితఁడా? యితండ? యితఁడా? యీతండ? యీతండటే?
వద్ద

1 comment:

  1. వెంకట రాజారావు . లక్కాకుల20 May 2012 at 11:39

    గోలి వారూ ,
    బావుందండీ మీ పురణ . ఆరోజున నేను పూరించిన పద్యం .....

    ఇతడేనా?మన విష్ణునందనుడు?రాశీభూత పాండిత్య మం
    డిత సాహిత్యసుధా సుధాకరుడితండేనా? ఘనున్ శంకరున్
    స్తుతిసంభావితు జేసి క్రొత్త పధముల్ సూత్రించు విద్యావిదుం
    డితడేనా?యితడా?యితండ?యితడా?యీతండ?యీతండటే?

    --- వెంకట రాజారావు . లక్కాకుల

    --- బ్లాగు:సుజన సృజన
    డా.విష్ణునందన్ గారి పద్యం ఆనాటి పూరణలలో హైలైట్ .వారిని ప్రశంసిస్తూ చెప్పిన పూరణ నాది .స్మృతికి తెచ్చినందుకు ధన్యవాదములు .

    ReplyDelete