సమస్యల'తో 'రణం('పూ'రణం)

చీమ కుట్టగ జచ్చెను సింహ బలుడు

2012-02-22T07:09:00.002+05:30

శ్రీ కంది శంకరయ్య గారు ' శంకరాభరణం ' బ్లాగునందు 08-06-2011 న ఇచ్చిన సమస్యకు నా పూరణ.

సమస్య - చీమ కుట్టగ జచ్చెను సింహ బలుడు

తేటగీతి :
మల్ల యుద్ధము జేసెడి మల్లి గాడు
మేను వాల్చగ నిదురను మెడను జేరి
చీమ కుట్టగ జచ్చెను, సింహ బలుడు
చరచి యరచేత నలుపగ చక్కగాను.

దోఁచు నడంగు వెండియును దోఁచు నడంగు ....

2012-02-21T07:35:00.000+05:30

శ్రీ కంది శంకరయ్య గారు ' శంకరాభరణం ' బ్లాగునందు 07-06-2011 న ఇచ్చిన సమస్యకు నా పూరణ.

సమస్య - దోఁచు నడంగు వెండియును దోఁచు నడంగు మెఱుంగు చాడ్పునన్

ఉత్పలమాల :

చూచుచు పల్లెటూరి ఘన సోయగమున్, పొలమందు పంటలన్
చూచితి, సవ్వడిన్ వినుచు చోద్యముగా తల నెత్తి గంటి దో
బూచుల నాడు మబ్బుల నభోతలమందు విమానమొక్కటిన్,
దోఁచు నడంగు వెండియును దోఁచు నడంగు మెఱుంగు చాడ్పునన్

'శివానుగ్రహ ప్రాప్తి రస్తు'.

2012-02-20T07:44:00.000+05:30

వీక్షకులకు మహాశివరాత్రి శివాకాంక్షలు. 'శివానుగ్రహ ప్రాప్తి రస్తు'.

మత్తేభము :

హరుడా ! సంకట సర్వ పాప హరుడా ! హైమావతీ వల్లభా !

గరుడా రూఢుని డెంద మందు స్థిరుడా ! గంగా ధరా ! శంకరా !

పురుగున్ పామును బోయ వాని భువిలో బ్రోవంగ లేదా భవా !

కరుణా మూర్తివి నీవటంచు దలుతున్ కావంగ రారా శివా !

' ప్రజ్ఞా భాస్కరునికి ' పంచ రత్నములు.

2012-02-19T15:54:00.001+05:30

బ్రహ్మశ్రీ వేదమూర్తులైన ( మా అన్నగారు ) శ్రీ గోలి సుబ్రహ్మణ్య శర్మ అవధాని గారికి శ్రీ ఖర నామ సంవత్సర ఉగాది నాడు తిరుపతి బ్రాహ్మణ సమాజం వారు ప్రజ్ఞా భాస్కర బిరుదముతో
సత్కరించిన సందర్భముగా నేను భక్తితో సమర్పించిన పద్య పంచ రత్నములు.

శ్రీ దత్త, వేంకటేశ భక్తాగ్రగణ్యా ! సుబ్రహ్మణ్యా !

కం : శ్రీ దత్తాత్రేయుండును
       వేదము కందని పురుషుడు వేంకట పతియున్
       వేదము నేర్పిన గురువులు
       మీదట జననీజనకులు మిము దీవించున్.

శ్రీ సీతారామయ్య, సుందరమ్మల పుత్రాగ్రగణ్యా ! సుబ్రహ్మణ్యా !

ఆ.వె:'గోలి' వంశజుడవు గోత్రము 'కాశ్యప'
పల్లె పల్లనాటి 'పట్లవీడు'
'సీతరామ ' పుత్ర జ్యేష్టుడవే నీవు
'సుందరమ్మ' గనిన సుతుడ వీవు.

శ్రీ బాలగంగాధర శర్మ శిష్యాగ్రగణ్యా! సుబ్రహ్మణ్యా !

ఆ.వె: ఆటలాడు వయసు నన్య పథము బోక
   స్మార్త విద్య నేర్చి 'గర్త పురిని'
   వేద విద్య బడసి విబుధుండ వైతివి
    'కపిల ఈశు పురిని' కష్ట మనక.

శ్రీ వేంకటేశ్వర వేద విశ్వ విద్యాలయ గురువరేణ్యా ! సుబ్రహ్మణ్యా !

    (పూర్వా శ్రమం : శ్రీ శంకర విద్యాలయం. బాపట్ల)

ఆ.వె: బోధనంబు నందు బాధలు రానీవు
     వదల బోవు విద్య వచ్చు వరకు
   హద్దు దాటనీవు ఆచార మిసుమంత
     వదలనీవు శాస్త్ర పరిధి నీవు.

శ్రీకర వేద విజ్ఞాన ప్రజ్ఞా ప్రావీణ్యా ! సుబ్రహ్మణ్యా !

కం: అజ్ఞానము నణగారిచి
విజ్ఞానము గరపుదువుగ విద్యార్ధులకున్
   'ప్రజ్ఞా భాస్కర' బిరుదము
    సుజ్ఞానివి నీకు నిడగ శోభను పొందెన్.

గొడ్డు టావు పాలు కుండ నిండె

2012-02-19T07:24:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 07-06-2011 న ఇచ్చిన సమస్యకు నా పూరణ.

సమస్య - గొడ్డు టావు పాలు కుండ నిండె

ఆటవెలది :

కలి యుగమున జూడ కన్పట్టె చిత్రాలు !
విన్నపాలు వినెడి విగ్రహములు
పాలు త్రాగె! చూడ పాల్గారె వేపకు!
గొడ్డు టావు పాలు కుండ నిండె!

రారా తమ్ముఁడ రార యన్న యనె నా రాజాస్య ప్రాణేశ్వరున్

2012-02-18T07:50:00.004+05:30

శ్రీ కంది శంకరయ్య గారు "శంకరాభరణం" బ్లాగునందు 06-06-2011 న ఇచ్చిన సమస్యకు నా పూరణ.

సమస్య - రారా తమ్ముఁడ రార యన్న యనె నా రాజాస్య ప్రాణేశ్వరున్

శార్దూలము :

చేరన్ పార్థుడు, కృష్ణ యొక్క వనమున్ శ్రీకృష్ణుడే వచ్చెగా
మీరాక్రీ డిని రమ్మ నుండనగనే మీ యాజ్ఞ చిత్తంబనెన్
చేరన్ బిల్చెను భీముడున్నకులుడున్ చే జూపి నావైపుకున్
"రారా తమ్ముఁడ! రార యన్న" యనె నా రాజాస్య ప్రాణేశ్వరున్.

కల్ల లాడు వారె కవులు గాదె

2012-02-17T06:58:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 06-06-2011 న ఇచ్చిన సమస్యకు నా పూరణ.

సమస్య - కల్ల లాడు వారె కవులు గాదె

ఆటవెలది :

కల్ల లాడ మనల 'కథలుచెప్పకు' మంద్రు
కథలు కవిత లల్ల కల్ల వలయు
ముఖము చంద్రు డనుచు ముక్కు సంపెంగని
కల్ల లాడు వారె కవులు గాదె !

కప్పకు సంపంగినూనె కావలె వింటే

2012-02-16T06:56:00.001+05:30

శ్రీ కంది శంకరయ్య గారు "శంకరాభరణం" బ్లాగునందు 05-06-2011 న ఇచ్చిన సమస్యకు నా పూరణ.

సమస్య - కప్పకు సంపంగినూనె కావలె వింటే

కందము :

అప్పుల తిప్పలు పడు వెం
కప్పకు మీసాల కున్ను ఘనమగు యింటన్
తుప్పులు పట్టిన తాళపు
కప్పకు సంపంగినూనె కావలె వింటే!

జగను కాప్తమిత్రుఁడు గదా చంద్రబాబు

2012-02-15T10:03:00.002+05:30

శ్రీ కంది శంకరయ్య గారు "శంకరాభరణం" బ్లాగునందు 05-06-2011 న ఇచ్చిన సమస్యకు నా పూరణ.

సమస్య - జగను కాప్తమిత్రుఁడు గదా చంద్రబాబు

తేటగీతి :

రొచ్చు పాల్టిక్సు కనలేక పిచ్చి బట్టి
వాగె నిట్టులనొక వ్యక్తి వాడ లోన
జయకు కరుణకు కుదిరెను సఖ్యతయును

జగను కాప్తమిత్రుఁడు గదా చంద్రబాబు.

అక్కా రమ్మనుచు మగఁడు నాలిం బిలిచెన్

2012-02-13T07:41:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 04-06-2011 న ఇచ్చిన సమస్యకు నా పూరణ.

సమస్య - అక్కా రమ్మనుచు మగఁడు నాలిం బిలిచెన్

నూతన వధూవరులు నమస్కారములు చేసే సందర్భంలో...

కందము :
గ్రక్కున వరుడే బిలిచెను
అక్కా! రమ్మనుచు, మగఁడు నాలిం బిలిచెన్
అక్కకు బావకు మ్రొక్కగ
తక్కిన పనులన్ని మనకు తరువాతనియెన్.

కపిని కళ్యాణ మాడెను గౌరి కొడుకు

2012-02-12T07:16:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 04-06-2011 న ఇచ్చిన సమస్యకు నా పూరణ.

సమస్య - కపిని కళ్యాణ మాడెను గౌరి కొడుకు

కందము :

గౌరి పెద్దన్న పేరేమొ కనకరాజు
'కనక' మామయ్య పిల్లను 'కపి ' యటంచు
నాట పట్టించి ఏడ్పించు నాత డిపుడు
'కపిని' కళ్యాణ మాడెను గౌరి కొడుకు.

మార్తాండుండపరాద్రిఁ గ్రుంకె నదిగో మధ్యాహ్నకాలంబునన్

2012-02-11T08:07:00.002+05:30

శ్రీ కంది శంకరయ్య గారు "శంకరాభరణం" బ్లాగునందు 03-06-2011 న ఇచ్చిన సమస్యకు నా పూరణ.

సమస్య - మార్తాండుండపరాద్రిఁ గ్రుంకె నదిగో మధ్యాహ్నకాలంబునన్

శార్దూలము :

కార్తీకంబున దూర దర్శనములో కార్యక్రమమ్ముండెగా
కీర్తీ! ఎప్పుడు వత్తువీవు చెపుమా! ఆత్రంబు లేదేమిటో!
మార్తాండుండపరాద్రిఁ గ్రుంకె నదిగో! మధ్యాహ్నకాలంబునన్
నర్తింపంగను నాట్యశాల కెపుడున్ నాకంటె ముందుందువే?

కర్ణు ననిలోన జంపె రాఘవుఁడు చెలఁగి

2012-02-10T06:56:00.004+05:30

శ్రీ కంది శంకరయ్య గారు "శంకరాభరణం" బ్లాగునందు 03-06-2011 న ఇచ్చిన సమస్యకు నా పూరణ.

సమస్య - కర్ణు ననిలోన జంపె రాఘవుఁడు చెలఁగి

తేటగీతి :

రామ రావణ యుద్ధ మారంభ మాయె
తలచి మదిలోన రుద్రుని దలచి శూర్ప
కర్ణు; ననిలోన జంపె రాఘవుఁడు చెలఁగి
శత్రు మూకల రావణ సహిత ముగను.

2012-02-09T07:09:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 02-06-2011 న ఇచ్చిన సమస్యకు నా పూరణ.

సమస్య - ఇన శశి బింబయుగ్మ ముదయించె దినాంతమునందుఁ దద్దిశన్.

చంపకమాల :

వినుమిక నాదు శ్రీమతియె వేడుక మీరగ పుట్టినింటికే
చనియెను కాన్పు నొందుటకు, చాలొక పిల్లడు చాలునంటి, నే
కనియెద ఆడు పిల్లనని ఖచ్చితమంచును జెప్పె, చూడగ
న్నిన శశి బింబయుగ్మ ముదయించె దినాంతమునందుఁ దద్దిశన్.

మగువను బెండ్లాడె మగువ మరులుదయించన్

2012-02-08T10:27:00.004+05:30

శ్రీ కంది శంకరయ్య గారు "శంకరాభరణం" బ్లాగునందు 02-06-2011 న ఇచ్చిన సమస్యకు నా పూరణ.

సమస్య - మగువను బెండ్లాడె మగువ మరులుదయించన్

కందము:

మగువా ! నువు నా ప్రాణము
తగునా? నాప్రేమ కాల దన్నగ నన, ప్రే
మగ జూచు పరీక్ష గెలువ
మగువను, బెండ్లాడె మగువ మరులుదయించన్.

గుత్తఁపు తాపుతారవిక కుట్టు పటుక్కున వీడె ...

2012-02-07T07:16:00.001+05:30

శ్రీ కంది శంకరయ్య గారు "శంకరాభరణం" బ్లాగునందు 01-06-2011 న ఇచ్చిన సమస్యకు నా పూరణ.

సమస్య - గుత్తఁపు తాపుతారవిక కుట్టు పటుక్కున వీడె నింతికిన్.

ఉత్పలమాల:

ఎత్తగు వక్ష సంపదయు నెన్నగ చక్కని సోయగంబుతో
మత్తును గొల్పు కళ్ళు గల మాలిని యేగెను మంచి నీటికై
యెత్తెను బిందె నొక్కతరి యేటిని నీటను ముంచి; లేపగా
గుత్తఁపు తాపుతారవిక కుట్టు పటుక్కున వీడె నింతికిన్.

పాండురాజుకు పుత్రులు వందమంది

2012-02-06T07:53:00.004+05:30

శ్రీ కంది శంకరయ్య గారు "శంకరాభరణం" బ్లాగునందు 01-06-2011 న ఇచ్చిన సమస్యకు నా పూరణ.

సమస్య - పాండురాజుకు పుత్రులు వందమంది

తేటగీతి:

పంచ పాండవులే తెచ్చె మంచి పేరు
పాండురాజుకు, పుత్రులు వందమంది
చెడును కురురాజు కిచ్చిరి చివరికిలను
మనసు, మంచియె ముఖ్యమ్ము మందిగాదు.

జన సంహార మొనర్చువాని పదకంజాతమ్ము....

2012-02-05T07:28:00.004+05:30

శ్రీ కంది శంకరయ్య గారు "శంకరాభరణం" బ్లాగునందు 31-05-2011 న ఇచ్చిన సమస్యకు నా పూరణ.

సమస్య - జన సంహార మొనర్చువాని పదకంజాతమ్ములే దిక్కగున్ .

మత్తేభము:

ఘన నీలాంబరదేహుడై,నిరతమున్ కాలంబులన్ శ్రేష్ఠుడై

కనగా జ్ఞానము గల్గి యుండి వెదుకన్ కన్పించి శిష్టప్రజన్
మునులన్ బ్రోచుచుధర్మమున్నిలుపుటన్ ముందుండి భాసించి దు
ర్జన సంహార మొనర్చువాని పదకంజాతమ్ములే దిక్కగున్ .

మూడు కనుల వేల్పు మురహరుండు.

2012-02-04T07:27:00.002+05:30

శ్రీ కంది శంకరయ్య గారు "శంకరాభరణం" బ్లాగునందు 31-05-2011 న ఇచ్చిన సమస్యకు నా పూరణ.

సమస్య - మూడు కనుల వేల్పు మురహరుండు.

ఆటవెలది:

ఒకరి హృదయమందు నొకరుందు రెప్పుడు
అర్థమొకటె జూడ 'హర 'కు 'హరి ' కి
భేదమేమి లేదు వాదమేల? యొకరె
మూడు కనుల వేల్పు, మురహరుండు.

బ్రహ్మచారి భార్య పరమ సాధ్వి

2012-02-03T07:23:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 23-05-2011 న ఇచ్చిన సమస్యకు నా పూరణ.

సమస్య - బ్రహ్మచారి భార్య పరమ సాధ్వి

ఆటవెలది:

చారి గొప్ప వాడు, సాధువే, మావూరి
వారి తలను నాల్క, వైద్యు డతడు
అతనికి తగినట్టి యాలినిచ్చెను గద
బ్రహ్మ, చారి భార్య పరమ సాధ్వి.

తలలొ క్కేబదినాల్గు గానబడియెన్ తద్గౌరి వక్షంబునన్.

2012-02-02T07:23:00.001+05:30

శ్రీ కంది శంకరయ్య గారు "శంకరాభరణం" బ్లాగునందు 23-05-2011 న ఇచ్చిన సమస్యకు నా పూరణ.

సమస్య - తలలొ క్కేబదినాల్గు గానబడియెన్ తద్గౌరి వక్షంబునన్.

ఒక సినిమా వాల్ పొస్టర్ లో నాయిక గౌరి వక్షస్థలంపై ఆ సినిమాలోని నటులందరినీ ముద్రించారని భావన...

మత్తేభము:
ఇలలో నాయిక 'గౌరి' 'పోస్టరును' తా మీరీతి ముద్రించెగా
వలలా భాగములుండె కప్పుకొనియెన్ వస్త్రంబు వక్షంబుపై
వలలో 'యాక్టరులందరన్' వరుసగా భాగాలుగా జూపగా
తలలొ క్కేబదినాల్గు గానబడియెన్ తద్గౌరి వక్షంబునన్.

సన్నుతి జేయుటొప్పగును సత్య విదూరుల....

2012-02-01T08:34:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 22-05-2011 న ఇచ్చిన సమస్యకు నా పూరణ.

సమస్య - సన్నుతి జేయుటొప్పగును సత్య విదూరుల నిధ్ధరాస్థలిన్

ఉత్పలమాల:

ఎన్నికలప్పుడే ప్రజల కెన్నెని తీయని మాటలిచ్చుచున్
ఎన్నిక పూర్తిగాగ 'జనమెవ్వరు?ఛీ' యని మాట మార్చి, సం
పన్నులు గాగ మారుదురు, వారలె గొప్పగు, నేడు జూడగన్
సన్నుతి జేయుటొప్పగును సత్య విదూరుల నిధ్ధరాస్థలిన్.

రాహు కాలాన వెడల గార్యము సఫలము

2012-01-29T07:32:00.002+05:30

శ్రీ కంది శంకరయ్య గారు "శంకరాభరణం" బ్లాగునందు 22-05-2011 న ఇచ్చిన సమస్యకు నా పూరణ.

సమస్య - రాహు కాలాన వెడల గార్యము సఫలము

తేటగీతి:

విఘ్న మన్నది లేకుండ విజయమంద
మంచి చెడ్డలు గమనించి మసలు కొనుడు

రాహు కాలాన వెడల గార్యము సఫలము
కాదు, నిజమది తెలియగ గనుడు మీరు.

భార్యలిద్దరు శ్రీరామ భద్రునకును

2012-01-28T07:16:00.002+05:30

శ్రీ కంది శంకరయ్య గారు "శంకరాభరణం" బ్లాగునందు 22-05-2011 న ఇచ్చిన సమస్యకు నా పూరణ.

సమస్య - భార్యలిద్దరు శ్రీరామ భద్రునకును

తేటగీతి:

విజయ నగరపు సామ్రాట్టు విజయమంది
రాయలప్పుడు నగరికి రాగ, రయము
మ్రొక్కు దీర్చిరి వేడ్కను మోదమలర
భార్యలిద్దరు శ్రీరామ భద్రునకును.

బిడ్డ గన్నతల్లి గొడ్డురాలు

2012-01-27T06:57:00.001+05:30

శ్రీ కంది శంకరయ్య గారు "శంకరాభరణం" బ్లాగునందు 21-05-2011 న ఇచ్చిన సమస్యకు నా పూరణ.

సమస్య - బిడ్డ గన్నతల్లి గొడ్డురాలు

ఆటవెలది:

పడతి నెలలు నిండ ప్రసవించు నెవ్వరి ?
ప్రసవ మిడిన ముదిత పాప కెవరు?
సంతు లేని ఇంతి చక్కటి పేరేమి?
బిడ్డ గన్నతల్లి గొడ్డురాలు.

కన్నులలో జన్ను లమరె కాంతా మణికిన్

2012-01-26T06:57:00.004+05:30

శ్రీ కంది శంకరయ్య గారు "శంకరాభరణం" బ్లాగునందు 21-05-2011 న ఇచ్చిన సమస్యకు నా పూరణ.

సమస్య - కన్నులలో జన్ను లమరె కాంతా మణికిన్

కందము:

సన్నగ వరుడటు జూచిన
కన్నులలో జన్ను లమరె, గాంతామణికిన్
చెన్నుగ సిగ్గులు మొలిచెను
చిన్నా!యిటు జూడ కనుచు చెంగును గప్పెన్.

కందము:

అన్నలుసు బడినదెక్కడ?
కన్నా! మగమేక గొంతు కచ్చట వేమో?
చిన్నా! మెట్టెల వెవరికి?
కన్నులలో- జన్ను లమరె - కాంతా మణికిన్.

గొప్ప వారి కుండు గొంచె బుద్ధి

2012-01-25T07:29:00.001+05:30

శ్రీ కంది శంకరయ్య గారు "శంకరాభరణం" బ్లాగునందు 20-05-2011 న ఇచ్చిన సమస్యకు నా పూరణ.

సమస్య - గొప్ప వారి కుండు గొంచె బుద్ధి

ఆటవెలది:

కొంత మంది జూడ వింతగా నుందురు
ఒరుల మాట వినరు ఓర్పు తోడ
అందు రెపుడు మేము 'అందరి కన్నను
గొప్ప' - వారి కుండు గొంచె బుద్ధి.

గుఱ్ఱానికి నైదు కాళ్ళు కోడికి వలెనే

2012-01-24T07:39:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 20-05-2011 న ఇచ్చిన సమస్యకు నా పూరణ.

సమస్య - గుఱ్ఱానికి నైదు కాళ్ళు కోడికి వలెనే

కందము:

కుఱ్ఱాడ! తలలు శ్రీహరి
గుఱ్ఱానికి నైదు, కాళ్ళు కోడికి వలెనే
మఱ్ఱాకు పైన వేసెను
బుఱ్ఱా వారిటుల క్రొత్త బొమ్మను గనుమా.

కందము:

జెఱ్ఱికి కాళ్ళకు చెప్పులు
గుఱ్ఱానికి నైదు కాళ్ళు, కోడికి వలెనే
గొఱ్ఱెకు బఱ్ఱెకు యీకలు
కుఱ్ఱాడట గీసి జూపె కోతికి కొమ్ముల్.

సంపాదన లేని పతిని సతి మెచ్చుకొనెన్.

2012-01-23T07:03:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 19-05-2011 న ఇచ్చిన సమస్యకు నా పూరణ.

సమస్య - సంపాదన లేని పతిని సతి మెచ్చుకొనెన్.

కందము:

సంపద ఆరోగ్యమ్మే

సంపద మరి ప్రేమ, మనకు సంతోషమ్మే
సంపద, వాటిని జెరిపెడి
సంపాదన లేని పతిని సతి మెచ్చుకొనెన్.

దృఢ సత్వంబున జీమ తుమ్మె గదరా దిగ్దంతులల్లాడగన్

2012-01-22T07:21:00.003+05:30

శ్రీ కంది శంకరయ్య గారు "శంకరాభరణం" బ్లాగునందు 19-05-2011 న ఇచ్చిన సమస్యకు నా పూరణ.

సమస్య - దృఢ సత్వంబున జీమ తుమ్మె గదరా దిగ్దంతులల్లాడగన్

డుఢు-ఢూ అనే రెండు చీమల పెండ్లి గురించి తీసిన కార్టూన్ ఫిల్మ్ లోని ఒక సన్నివేశం ..నా ఊహలో..

ఉత్పలమాల:

'డుఢు,ఢూ చీమల పెండ్లి 'యంచు నొక కార్టూన్ ఫిల్ము; అందొక్కచో
డుఢు,ఢూ ప్రక్కన శాస్త్రి గారు వడి పట్టున్ పట్టె నశ్యంబునే
డుఢు నాసంబుల రేగి దూరి తెగ ఘాటున్ పుట్టి మంటెత్తగా
దృఢ సత్వంబున జీమ తుమ్మె గదరా దిగ్దంతులల్లాడగన్.

కలిమి గలిగించు కలకంఠి కంటి నీరు.

2012-01-21T07:16:00.003+05:30

శ్రీ కంది శంకరయ్య గారు "శంకరాభరణం" బ్లాగునందు 18-05-2011 న ఇచ్చిన సమస్యకు నా పూరణ.

సమస్య - కలిమి గలిగించు కలకంఠి కంటి నీరు.

తేటగీతి:

భర్త 'యెమ్మెల్యె' చనిపోగ భార్య నిలచి
పోటి జేసెను ఏడ్చెను సీటు కొరకు
కరుణ జూపెను ఓటరు గాన గెలిచె
'కలిమి గలిగించు కలకంఠి కంటి నీరు.'

తేటగీతి:

బయట వ్యాపారములు జేయ బాగు గాను
కలిమి గలిగించు, కలకంఠి కంటి నీరు
యింట గార్చిన యిల్లాలి యేడ్పు వలన
కదలి పోవును చెప్పక కలుములన్ని.

వంక బెట్ట దగును శంకరునకు.

2012-01-20T07:01:00.004+05:30

కంది శంకరయ్య గారు "శంకరాభరణం" బ్లాగునందు 17-05-2011 న ఇచ్చిన సమస్యకు నా పూరణ.

సమస్య - వంక బెట్ట దగును శంకరునకు.

ఆట వెలది:

భక్తి మనసు నిండ పరమేశు దలచుచు
పద్య మొకటి చెప్పి ప్రస్తుతించ
నీమమేమి లేదు నిందాస్తుతులు జెప్పి
వంక బెట్ట దగును శంకరునకు.; ఆట వెలది:
: చిట్టి పొట్టి బొమ్మ లిట్టుల సర్దుము
ముందు వైపు నిడుము స్కందు నిటుల
కరి ముఖుని కుడి మరి గిరితనయ నెడమ
వంక బెట్ట దగును శంకరునకు.

కవిని పెండ్లి యాడి కాంత వగచె.

2012-01-19T07:45:00.001+05:30

కంది శంకరయ్య గారు "శంకరాభరణం" బ్లాగునందు 16-05-2011 న ఇచ్చిన సమస్యకు నా పూరణ.

సమస్య - కవిని పెండ్లి యాడి కాంత వగచె.

ఆట వెలది:

కలికి కూర లడుగ కంద పద్యము జెప్పు
పాత్ర లడుగ సీస పద్య మిచ్చు
పూల నడుగ నుడువు పూని చంపకమాల
కవిని పెండ్లి యాడి కాంత వగచె.

దేశము మాకు వద్దనెడి తెంపరులే మన జాతి రత్నముల్.

2012-01-18T07:41:00.000+05:30

కంది శంకరయ్య గారు "శంకరాభరణం" బ్లాగునందు 15-05-2011 న ఇచ్చిన సమస్యకు నా పూరణ.

సమస్య - దేశము మాకు వద్దనెడి తెంపరులే మన జాతి రత్నముల్.

ఉత్పలమాల:

దేశము దోచుకుందమిక దేశము ముక్కలు జేసుకుంద మా
కాశము హద్దు, నేడిటుల కాసులు 'స్విస్సున' దాచుదామనున్
దేశము కోసమే బ్రతికి, దేశము కిత్తును ప్రాణమన్న సం
దేశము మాకు వద్దనెడి తెంపరులే మన జాతి రత్నముల్.

విద్య యొసగునే వినయంబు వెఱ్ఱిగాక

2012-01-17T07:17:00.000+05:30

కంది శంకరయ్య గారు "శంకరాభరణం" బ్లాగునందు 15-05-2011 న ఇచ్చిన సమస్యకు నా పూరణ.

సమస్య - విద్య యొసగునే వినయంబు వెఱ్ఱిగాక

తేటగీతి:

బుద్ధి,సుద్దులు నేర్పెడు విద్దె వదలి
శాస్త్ర విజ్ఞాన, గణితము చాలు ననుచు,
బట్టి బట్టుచు 'నాబ్జెక్టు' బాట నడువ;
విద్య యొసగునే వినయంబు వెఱ్ఱిగాక!

మీసముల దువ్వి వనితలే మిడిసి పడిరి.

2012-01-16T07:17:00.000+05:30

కంది శంకరయ్య గారు "శంకరాభరణం" బ్లాగునందు 14-05-2011 న ఇచ్చిన సమస్యకు నా పూరణ.

సమస్య - మీసముల దువ్వి వనితలే మిడిసి పడిరి.

తేట గీతి:

బుర్ర మీసాలు బానెడు బొర్ర యున్న
తాత వద్దకు చనువుగ తరలి వెళ్ళి
నిమ్మకాయలు నిలబడు నిజము అనుచు
మీసముల దువ్వి వనితలే మిడిసి పడిరి.

కరము లెత్తి మ్రొక్కు మరుణ కిరణు.

2012-01-15T08:21:00.000+05:30

         వీక్షకులందరకు
         మకర సంక్రాంతి
         శుభాకాంక్షలు.

ఆట వెలది:

సకల శుభ కరమ్ము సౌభాగ్యకర క్షేమ

కరము వరము లిచ్చి కరుణ జూచు

మకర సంక్రమణము మనకు హిత కరము

కరము లెత్తి మ్రొక్కు మరుణ కిరణు.

పనికి రాని చెత్త పరమ దారిద్ర్యంబు

2012-01-14T07:43:00.002+05:30

బ్లాగు వీక్షకులందరకు
భోగి పర్వదిన శుభా కాంక్షలు.

ఆట వెలది:

పనికి రాని చెత్త పరమ దారిద్ర్యంబు
కాల్చి వేయ మనకు కలుగు సిరులు
క్రొత్త ఆశ లేవొ కోరక చిగురించు
భోగములకు పంట భోగిమంట.

నాస్తికులకు దేవతలన్న నయము భయము

2012-01-13T07:38:00.001+05:30

శ్రీ కంది శంకరయ్య గారు "శంకరాభరణం" బ్లాగునందు 12-05-2011 న ఇచ్చిన సమస్యకు నా పూరణ.

సమస్య - నాస్తికులకు దేవతలన్న నయము భయము

తేట గీతి:

తలుపు మూసిన వెలుగులు దాటిరావు
అడుగకున్నను తెరచిన ఆక్రమించు
తలపు తెరిచిన దూరును దైవమనుచు
నాస్తికులకు దేవతలన్న నయము భయము.

తేట గీతి:

తలపు మూసిన *దూరును దైవమనుచు
ఆస్తికులకు దేవతలన్న నయము భయము
తలపు తెరిచిన 'దూరును' దైవమనుచు
నాస్తికులకు దేవతలన్న నయము భయము.

*దూరు = నిందించు, తిట్టు

'దూరు' = ప్రవేశించు

దత్తపది - "లాడెన్, ఊడెన్, వీడెన్, వాడెన్"

2012-01-12T07:18:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 11-05-2011 న ఇచ్చిన సమస్యకు నా పూరణ.

దత్తపది - "లాడెన్, ఊడెన్, వీడెన్, వాడెన్"

ఆంధ్రప్రదేశ్‌లో కాంగ్రెస్ ప్రభుత్వ స్థితిగతులపై

కం: వాడెను మోములు ప్రభుతకు
       వీడెను పాలన స్థిరముగ వెలిగెడు యాశల్
       ఊడెను ప్రాభవమని య
       ల్లాడెను, కాంగ్రెస్సు బండి లాగుట యెటులో!

మత్తకోకిల:

వీడె నాజత యన్న ధైర్యము వీడె కాంగ్రెసు పార్టిలో
ఊడెనా మరి సీటు రాదని ఊడ బట్టుకు నుండెగా
వాడెనా మరి ధైర్యమింకను, వాడ మందులు లేక య
ల్లాడె, నేటికి గట్టునెక్కెడు లక్ష్యమే కనరాదుగా.

యతి మోహావేశ మెసగ నతివను బిలిచెన్.

2012-01-11T07:07:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 10-05-2011 న ఇచ్చిన సమస్యకు నా పూరణ.

సమస్య - యతి మోహావేశ మెసగ నతివను బిలిచెన్.

కం: అతి ఘోర తపము జేసియు
       గతిదప్పెను మేనక మరి కనుగీటగనే
       మతిచెడి గాధేయుండని*
       యతి మోహావేశ మెసగ నతివను బిలిచెన్.

*(గాదేయుండు + అనియతి)

'సిరి' అనే పదం 'లక్ష్మి' అనే అర్థం లో కాకుండా శ్రీదేవి ప్రార్థన

2012-01-10T09:14:00.002+05:30

శ్రీ కంది శంకరయ్య గారు "శంకరాభరణం" బ్లాగునందు 09-05-2011 న ఇచ్చిన సమస్యకు నా పూరణ.

దత్తపది - 'సిరి' అనే పదం 'లక్ష్మి' అనే అర్థం లో కాకుండా శ్రీదేవి ప్రార్థన.

కం:   ముసిరిన దారిద్ర్యంబులు
         కసిరిన పోనట్టి నష్ట కష్టము   చేత
         న్నుసిరిక చందము జేతువు
        'మసి-రిత్తగ ' నిను భజించ మాతా ! లక్ష్మీ!

తమ్ముల గాంచి కోపమున దామరసేక్షణ తిట్టె నయ్యెడన్.

2012-01-08T07:18:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 08-05-2011 న ఇచ్చిన సమస్యకు నా పూరణ.

సమస్య - తమ్ముల గాంచి కోపమున దామరసేక్షణ తిట్టె నయ్యెడన్.

ఉ: గుమ్ముగ పేక పందెములు గుర్ర్రపు రేసులు లాటరీలతో
      ద్రిమ్మరి, మిత్రబృందముల ద్రిప్పుచు, యార్జన లేకపోయినన్
      సొమ్ములు గుల్లజేయు కడు సోమరి పెన్మిటి యాడుచుండు ద్యూ
      తమ్ముల గాంచి కోపమున దామరసేక్షణ తిట్టె నయ్యెడన్.

కనక దుర్గ యిచ్చు కష్ట ములను

2012-01-07T09:22:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 08-05-2011 న ఇచ్చిన సమస్యకు నా పూరణ.

               సమస్య - కనక దుర్గ యిచ్చు కష్ట ములను

ఆ.వె: తల్లి బిడ్డ కిచ్చు దండన లనుకొన
           కనక దుర్గ యిచ్చు కష్ట ములను
           పిదప ఒడిని జేర్చి పిల్లవానికి గోరు
           ముద్ద లిడిన రీతి ముద్దు జేయు.

ఉత్పలమాల యందు యతి యొప్పును నాల్గవ యక్షరమ్ముతో.

2012-01-03T08:13:00.002+05:30

శ్రీ కంది శంకరయ్య గారు "శంకరాభరణం" బ్లాగునందు 24-01-2011 న ఇచ్చిన సమస్యకు నా పూరణ.

సమస్య - ఉత్పలమాల యందు యతి యొప్పును నాల్గవ యక్షరమ్ముతో.

ఉ:   ఉత్పల,మాల, స్నేహితులె ఒక్కెడ జేరి పఠించుచుండగా
     నుత్పల లక్షణంబులనె యొప్పుగ జెప్పెద నంచు మాలతో
     నుత్పల జెప్పె పద్యమున నుండును నాలుగు పాదముల్ మరిన్
       ఉత్పలమాల యందు యతి యొప్పును నాల్గవ యక్షరమ్ముతో.

నూతన 'ఆంగ్ల వత్సర' శుభాకాంక్షలు.

2012-01-01T14:06:00.000+05:30

బ్లాగు వీక్షకులన్దరకు నూతన 'ఆంగ్ల వత్సర' శుభాకాంక్షలు.

కం: జాతర నిత్యము జరుగుచు
       చైతన్యము హెచ్చి సుఖము శాంతుల తోడన్
       నూతన సంవత్సరమున
       ప్రీతిగ సిరులన్ని భువిని పెంపొంద వలెన్.

కొంగ కైదు కాళ్ళు కోడికి వలె.

2011-12-31T08:12:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 17-01-2011 న ఇచ్చిన సమస్యకు నా పూరణ.

                  సమస్య - కొంగ కైదు కాళ్ళు కోడికి వలె.

ఆ.వె: పొడుగు వాడు కొంగ, పొట్టివాడే కోడి
           ఐదు గ్రుడ్లు, కోడి నారగించ
           పంచ నెంచి రిట్లు - వలెనుగ గ్రుడ్లవి
           కొంగ కైదు, కాళ్ళు కోడికి వలె.

భామకు చీరేలనయ్య పదుగురు చూడన్

2011-12-30T06:56:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 16-01-2011 న ఇచ్చిన సమస్యకు నా పూరణ.

       సమస్య - భామకు చీరేలనయ్య పదుగురు చూడన్

కం: ఏమిది కప్పకు చీరెను
       ఏ మహనీయుండు మలచె నీశిల్పమునే
       కామాక్షి, నగ్న సుందరి
       భామకు చీరేలనయ్య, పదుగురు చూడన్.

బ్రహ్మచారికి నెనమండ్రు భార్య లౌర!

2011-12-29T06:50:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 14-01-2011 న ఇచ్చిన సమస్యకు నా పూరణ.

          సమస్య - బ్రహ్మచారికి నెనమండ్రు భార్య లౌర!

తే.గీ: వీధు లందున నడిపించి విశ్వ విభుని
         అమ్మ జూపగ నెంచగ నా మహర్షి
         మొరలు బెట్టుచు వలదని మ్రొక్కు లిడిరి
         బ్రహ్మచారికి, నెనమండ్రు భార్య లౌర!

స్వర్ణ సింహాసనమ్మున శ్వాన మమరె

2011-12-28T07:13:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 12-01-2011 న ఇచ్చిన సమస్యకు నా పూరణ.

         సమస్య - స్వర్ణ సింహాసనమ్మున శ్వాన మమరె

తే.గీ:   స్వర్ణ సింహాసనమ్మను వర్ణ చిత్ర
          'వాలు పోస్టరు' గాలికి వాలి పోగ
           కుక్క యొక్కటి పైనెక్కె చక్కగాను
        "స్వర్ణ సింహాసనమ్మున శ్వాన మమరె."

చీమ తుమ్మెను బెదరెను సింహగణము

2011-12-27T07:32:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 11-01-2011 న ఇచ్చిన సమస్యకు నా పూరణ.

             సమస్య - చీమ తుమ్మెను బెదరెను సింహగణము

తే.గీ:   అడవి దారిన నడచుచు నర్భకుండు
          అనుకరించెను పొలీసు ' హా ర్ను సౌండు '
          హడలి పోయిరి పరుగిడి రన్నలచట
        "చీమ తుమ్మెను, బెదరెను సింహగణము."

కారము లేనట్టి కూరఁ గాంతుఁడు మెచ్చెన్

2011-12-26T07:01:00.001+05:30

శ్రీ కంది శంకరయ్య గారు "శంకరాభరణం" బ్లాగునందు 28-12-2010 న ఇచ్చిన సమస్యకు నా పూరణ.

          సమస్య - కారము లేనట్టి కూరఁ గాంతుఁడు మెచ్చెన్

కం: చేరగనత్తా మామలు
        వారికి వలసిన విధముగ వంటలు చేసెన్
        వేరుగ తీసెను మామకు
        కారము లేనట్టి కూరఁ, గాంతుఁడు మెచ్చెన్.

కాంతఁ జూచి మౌని కన్ను గొట్టె .

2011-12-25T07:37:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 27-12-2010 న ఇచ్చిన సమస్యకు నా పూరణ.

                సమస్య - కాంతఁ జూచి మౌని కన్ను గొట్టె .

ఆ.వె: ఒంటి కంటి వాని నొక్క మునిని జేరి
          పండు చేత బట్టి వచ్చి నిలువ,
          మౌన దీక్ష గాన మంచిగా చేయెత్తి
          కాంతఁ జూచి మౌని కన్ను గొట్టె .

సిరి వలదను వాని కిలను చిక్కులె గాదా

2011-12-24T07:15:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 26-12-2010 న ఇచ్చిన సమస్యకు నా పూరణ.

సమస్య - సిరి వలదను వాని కిలను చిక్కులె గాదా

కం:   హరి శ్రీమతి తా పుణ్యుల
         సిరులను గురిపించి దరిని జేరుచు దయతో
         మరి పాపిని దరి దీయక
         సిరి వలదను, వాని కిలను చిక్కులె గాదా ?

తమ్మునికి నన్న వరుసకు తమ్ముడయ్యె.

2011-12-23T07:37:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 25-12-2010 న ఇచ్చిన సమస్యకు నా పూరణ.



   సమస్య - తమ్మునికి నన్న వరుసకు తమ్ముడయ్యె.

తే.గీ: చిన్న తనమున కలవగ ' అన్న' లందు
          అన్నయనియందు రాతని నాదరమున
          స్వంత అక్కయ జేయును సాయ మెపుడు
          తమ్మునికి, నన్న వరుసకు తమ్ముడయ్యె.

కాకర వేపుడె పసందు కంజదళాక్షీ

2011-12-22T07:10:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 11-12-2010 న ఇచ్చిన సమస్యకు నా పూరణ.

                 సమస్య - కాకర వేపుడె పసందు కంజదళాక్షీ

కం: భీకర హాలాహలమది
        కాకర వేపుడె, పసందు కంజదళాక్షీ!
     శ్రీ కరు నోటికి, జూడగ
       శ్రీ కంఠుడు మ్రింగి జగతి చింతలు దీర్చేన్.

ననన ననన నన్ను నినిని నిన్ను

2011-12-21T07:40:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 09-12-2010 న ఇచ్చిన సమస్యకు నా పూరణ.

                  సమస్య - ననన ననన నన్ను నినిని నిన్ను

ఆ.వె: నిన్న ననన నాన్న నిన్ననె నన్ననె
          చచచ చదువు కొనక ష ష ష షైరు
          కొట్ట, మరల జేయ కొకొకొ కొట్టెదరిక
          ననన ననన నన్ను నినిని నిన్ను

కృష్ణుఁ జంప నెంచి క్రీడి వెడలె

2011-12-20T07:56:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 07-12-2010 న ఇచ్చిన సమస్యకు నా పూరణ.

సమస్య - కృష్ణుఁ జంప నెంచి క్రీడి వెడలె.

ఆ.వె: పట్టి వ్యూహ మందు పసివాని జంపిరి

కాగ సైన్ధవుండె కారణమ్ము

మట్టి జేతు ననుచు మదిలోన నెరనమ్మి

కృష్ణుఁ, జంప నెంచి క్రీడి వెడలె.

కార మొసఁగుఁ జల్లఁదనమ్ముఁ గన్నుఁ గవకు

2011-12-19T07:10:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 06-12-2010 న ఇచ్చిన సమస్యకు నా పూరణ.

       సమస్య - కార మొసఁగుఁ జల్లఁదనమ్ముఁ గన్నుఁ గవకు

తే.గీ: కల్తి కాటుక వాడిన కనులకు యప
          కార మొసఁగుఁ, జల్లఁదనమ్ముఁ గన్నుఁ గవకు
          వలయు నన్నను వాడుడు వనిత లార
          కప్పురమ్ముతో జేసిన కాటుకలనె.

ఇడ్లీలే చాలు మనకు నితరము లేలా

2011-12-18T07:18:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 05-12-2010 న ఇచ్చిన సమస్యకు నా పూరణ.

              సమస్య - ఇడ్లీలే చాలు మనకు నితరము లేలా

      నాలుగు ఇడ్లీలు,నెయ్యి,కారప్పొడి ... రుచిగా ఉంటాయని ఆశిస్తున్నాను.

కం: ఇడ్లీ యిండియ ఫుడ్డే
        ఇడ్లీ, ఘీ, కారపుపొడి యెంతో రుచియౌ
        ఇడ్లీ కి సాటి లేవిక
        ఇడ్లీలే చాలు మనకు నితరము లేలా?

భరతుఁ డెదిరించి రాముని భాగ మడిగె

2011-12-17T07:33:00.001+05:30

శ్రీ కంది శంకరయ్య గారు "శంకరాభరణం" బ్లాగునందు 01-12-2010 న ఇచ్చిన సమస్యకు నా పూరణ.

              సమస్య - భరతుఁ డెదిరించి రాముని భాగ మడిగె

              భరతుడు శ్రీ రాముని తో ....

తే.గీ: 'అన్న వదినెల వదలక నహరహమ్ము
          సేవ జేయుచు నుందును చెంత ' ననుచు
          పరగ లక్ష్మణు కిచ్చిన భాగ్యమందు
          భరతుఁ డెదిరించి రాముని భాగ మడిగె

తిరుమల రాయనికి లేవు తిండియు సుఖమున్

2011-12-16T07:23:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 24-11-2010 న ఇచ్చిన సమస్యకు నా పూరణ.

             సమస్య - తిరుమల రాయనికి లేవు తిండియు సుఖమున్

కం: సరిపడు వరముల నిచ్చుచు
       నరు లొసగెడు ముడుపు తోడ నప్పులు దీర్చన్
       చిర కాలపు చింతనతో
       తిరుమల రాయనికి లేవు తిండియు సుఖమున్.

ఎలుకం గని పిల్లి చచ్చె నేనుఁగు పాఱెన్

2011-12-15T07:24:00.001+05:30

శ్రీ కంది శంకరయ్య గారు "శంకరాభరణం" బ్లాగునందు 23-11-2010 న ఇచ్చిన సమస్యకు నా పూరణ.

           సమస్య - ఎలుకం గని పిల్లి చచ్చె నేనుఁగు పాఱెన్

కం: 'కలియుగ మందున బుట్టును
        ఎలుకయె పిల్లికిని పంది కేన్గని'చెప్పన్
        కలిగెనొక దరిని చూడగ
        ఎలుకం గని పిల్లి చచ్చె నేనుఁగు పాఱెన్.

రమ్ము చేయగలదు ప్రాణరక్ష.

2011-12-14T08:36:00.001+05:30

శ్రీ కంది శంకరయ్య గారు "శంకరాభరణం" బ్లాగునందు 22-11-2010 న ఇచ్చిన సమస్యకు నా పూరణ.

సమస్య - రమ్ము చేయగలదు ప్రాణరక్ష.

ఆ.వె: అక్షరమ్ము లన్ని అటునిటుగా జేర
          మంత్రమగును గాదె; మరణమైన
          పారు నిజము జూడ పంచాక్షరికి 'నక్ష
          రమ్ము చేయగలదు ప్రాణరక్ష'.

బారును సేవించి మంచి బాటను పట్టెన్

2011-12-13T07:07:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 01-11-2010 న ఇచ్చిన సమస్యకు నా పూరణ.

             సమస్య - బారును సేవించి మంచి బాటను పట్టెన్

కం: కోరిన కోర్కెలు తీరగ
        పారాయణ జేసి గుడిని వరుసగ వేయౌ
        తీరగు శివ లింగంబుల
        బారును సేవించి మంచి బాటను పట్టెన్.

బలరాముడు సీతజూచి ఫక్కున నవ్వెన్

2011-12-12T07:24:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 29-10-2010 న ఇచ్చిన సమస్యకు నా పూరణ.

   సమస్య - బలరాముడు సీతజూచి ఫక్కున నవ్వెన్

కం: అల కృష్ణు కన్న యెవ్వరు ?
        కల ఫలితము నెవరి జూచి కదిపెను త్రిజటే ?
        చెలి చక్కలి గిలి కేమనె ?
        బలరాముడు - సీతజూచి - ఫక్కున నవ్వెన్ !

దైవమున్నదె సుతునకు తల్లి కంటె

2011-12-11T07:51:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 24-10-2010 న ఇచ్చిన సమస్యకు నా పూరణ.

సమస్య - దైవమున్నదె సుతునకు తల్లి కంటె

తే.గీ: దైవ మన్నది కనరాదు దేవులాడ,
         దేవు డిచ్చెను మనిషికి దేహి యన, య
         దే వరము తల్లి, వలదు సందేహ మనియె
         దైవమున్నదె సుతునకు తల్లి కంటె?

కవివరు గపితోడ బోల్చ గా మెచ్చిరహో

2011-12-10T08:34:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 22-10-2010 న ఇచ్చిన సమస్యకు నా పూరణ.

   సమస్య - కవివరు గపితోడ బోల్చ గా మెచ్చిరహో

             స్నేహితులు సరదాగా అన్న మాటలు...

కం: ఎవరవు ? హనుమవు నీవే!
       కవివర నీ పేరు జూడ కపి వరుడే! వి
       ప్రవరా ! యని నేస్తంబులు
       కవివరు గపితోడ బోల్చ గా మెచ్చిరహో!

గణ నాయకు గళమునందు గరళము నిండెన్

2011-12-09T07:51:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 21-10-2010 న ఇచ్చిన సమస్యకు నా పూరణ.

         సమస్య - గణ నాయకు గళమునందు గరళము నిండెన్

కం: వణిజుల వ్యాపారమ్ములు,
       గణనమ్ములు మాని 'బందు' గావింపు మనన్
     వణకక పొమ్మన, "రౌడీ
     గణ నాయకు" గళమునందు గరళము నిండెన్.

బోధించుట రాని గురువె పూజ్యుండయ్యెన్

2011-12-08T07:39:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 20-10-2010 న ఇచ్చిన సమస్యకు నా పూరణ.

సమస్య - బోధించుట రాని గురువె పూజ్యుండయ్యెన్

నేటి విద్యా వ్యవస్థ లో కొందరు గురువులు...

కం: సాధన లేకనె విషయము
        శోధన మరిచేయ కుండ సోకుల రాజై
        బాధను పుటలను ద్రిప్పెడు
        బోధించుట రాని గురువె పూజ్యుండయ్యెన్.

సీతామానస చోరుఁ డెవ్వఁ డనినన్ శ్రీకృష్ణమూర్తే కదా

2011-12-07T07:51:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 18-10-2010 న ఇచ్చిన సమస్యకు నా పూరణ.

   సమస్య - సీతామానస చోరుఁ డెవ్వఁ డనినన్ శ్రీకృష్ణమూర్తే కదా

శా: మూతల్ బెట్టిన కుండలన్ని కదిపెన్ మ్రుచ్చిల్లినా రయ్యయో !
      ప్రీతిన్ మీగడ పాలు వెన్నలెవరో ? రేయంత కాపాడినన్
      చేతన్ బట్టగ నింత లేదు యిదుగో చెప్పమ్మ ఓ రాధికా !
      సీతా !మానస ! చోరుఁ డెవ్వఁ డనినన్ "శ్రీకృష్ణమూర్తే కదా!"

అగ్నితోడ నగ్ని నార్పవచ్చు

2011-12-06T07:17:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 01-10-2010 న ఇచ్చిన సమస్యకు నా పూరణ.

సమస్య - అగ్నితోడ నగ్ని నార్పవచ్చు

ఆ.వె:   అగ్గి రవ్వ వోలె నాలి దిట్టుచు తాగి
           కొట్ట బోగ 'కోటి' - కొరవి దెచ్చి
         చూప సుమతి - గప్పు చుప్పున కూర్చుండె

'అగ్నితోడ నగ్ని నార్పవచ్చు'.

చందమామను ముద్దాడసాగె చీమ

2011-12-05T07:50:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 24-09-2010 న ఇచ్చిన సమస్యకు నా పూరణ.



సమస్య - చందమామను ముద్దాడసాగె చీమ

తే.గీ: ఆకసంబున జూడగ నర్ధ రాత్రి
         నల్లమబ్బులు సాగుచు నచట నిండు
       చందమామను ముద్దాడసాగె; చీమ
         లట్లు తోచెను చుక్కల రాశి జూడ .

తెనుగు "పాట" శాల - ఘంటసాల

2011-12-04T07:37:00.000+05:30

తెనుగు "పాట" శాల - ఘంటసాల

సీ: జానపదమొకండు - జనులు మెచ్చగపాడు

పద్యంబు నొక్కడు - పాడగలుగు

లలితగీతమొకడు - లయబద్ధముగబాడు

శ్లోకంబుకొక్కడు - శోభదెచ్చు

శాస్త్రీయమొక్కడు - శ్రావ్యంబుగాపాడు

కీర్తనల యొకండు - కీర్తిబొందు

భక్తి గీతమొకడు - రక్తిగా పాడును

పాశ్చాత్యమొక్కడు - పలుక గలుగు

ఆ.వె: ఎట్టిపాటగాని యే శ్లోకములుగాని

పద్యమైన మరియు గద్యమైన

నవరసంబులొలుకు నాయాసమేలేక

ఘంటసాలవారి గళమునందు.

పరహిత మొనరించువాఁడె పాపాత్ముఁడగున్

2011-12-03T07:35:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 10-09-2010 న ఇచ్చిన సమస్యకు నా పూరణ.

సమస్య - పరహిత మొనరించువాఁడె పాపాత్ముఁడగున్

కం: నరులకు హితములు, దేవుని
       వరములుగా రూపు దాల్చి వనములె బెరుగన్
       నరుకుచు నట పాదపరూ
       ప రహిత మొనరించువాఁడె, పాపాత్ముఁడగున్.

పాదపము = చెట్టు

సారా త్రాగిన మోక్ష మందెదము శిష్యా శంక నీ కేలరా

2011-12-02T07:02:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 05-09-2010 న ఇచ్చిన సమస్యకు నా పూరణ.

                      సమస్య - సారా త్రాగిన మోక్ష మందెదము శిష్యా శంక నీ కేలరా

శా : ఈ 'రా' ప్రక్కన 'మా' ను వ్రాసి పలుక న్నీశుండె శ్లాఘించుగా
        ఏరా! చింతలు నీకవేల వినరా !ఈ రామనామామృతం
       'సార' మ్మేగద వేదమంత్రములకున్ సందేహ మింకేల నీ
       'సారా' త్రాగిన మోక్ష మందెదము శిష్యా! శంక నీ కేలరా?

నక్కకు జనియించె కుక్క యొకటి

2011-12-01T06:56:00.001+05:30

శ్రీ కంది శంకరయ్య గారు "శంకరాభరణం" బ్లాగునందు 04-09-2010 న ఇచ్చిన సమస్యకు నా పూరణ.

సమస్య - నక్కకు జనియించె కుక్క యొకటి

ఆ.వె: జిత్తు లన్ని జూపి చిరుత జంపెడు కోర్కె
          నక్కకు జనియించె, కుక్క యొకటి
          దాని కుటిల బుద్ది దరిజేరి చిరుతకు
          చెప్ప, చంపి వేసె చీల్చి చీల్చి .

అల్లా కాపాడు మనుచు హరి వేడు కొనెన్

2011-11-30T08:16:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 01-09-2010 న ఇచ్చిన సమస్యకు నా పూరణ.

సమస్య - అల్లా కాపాడు మనుచు హరి వేడు కొనెన్

కం: అల్లాబక్షను వాడే
        ఇల్లాలికి జబ్బు చేయ నీశ్వరు గొలిచెన్
        చల్లగ చూడగ మిత్రుడు
        అల్లా ! కాపాడు మనుచు హరి వేడు కొనెన్.

అమెరికాలోన లభియించె నావకాయ.

2011-11-29T08:26:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 31-08-2010 న ఇచ్చిన సమస్యకు నా పూరణ.

                 సమస్య - అమెరికాలోన లభియించె నావకాయ.

తే.గీ: పూట కూళ్ళమ్మ' పెద్దమ్మ' స్టేటు కేగె
          ముద్ద పప్పుయు, గోంగూర, మునగ చారు
          పెరుగు ఆవడ, వడియము, పెసర గారె
          అమెరికాలోన లభియించె నావకాయ.

పురుషుఁడు ప్రసవించెఁ బుణ్యతిథిని

2011-11-27T07:42:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 24-08-2010 న ఇచ్చిన సమస్యకు నా పూరణ.

సమస్య - పురుషుఁడు ప్రసవించెఁ బుణ్యతిథిని

ఆ.వె: శంఖచక్రధారి చక్కగా కనిపించి
          దేవకికి మరి వసుదేవు నకును
          పుత్రు నౌదు ననియె పుడమి బాధలు దీర్చ
          పురుషుఁడు ; ప్రసవించెఁ బుణ్యతిథిని.

రాముఁడు ముదమున ఖురాను చదివె

2011-11-26T07:05:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 21-08-2010 న ఇచ్చిన సమస్యకు నా పూరణ.

సమస్య - రాముఁడు ముదమున ఖురాను చదివె

ఆ.వె: రామ దాసు బట్టి రాజు తానీషాయె
          బాధ పెట్టె తాను బంది ఖాన
          నప్పు తీర్చి దాసు గొప్పతనము జెప్ప
          రాముఁడు, ముదమున ఖురాను చదివె.

యమున కేల వస్త్ర మాభరణము

2011-11-25T07:24:00.002+05:30

శ్రీ కంది శంకరయ్య గారు "శంకరాభరణం" బ్లాగునందు 16-08-2010 న ఇచ్చిన సమస్యకు నా పూరణ.

          సమస్య - యమున కేల వస్త్ర మాభరణము.

ఆ.వె: యముని పూజ జేయ నామె వచ్చెన ? నోనొ !
          యమున కేల? వస్త్ర మాభరణము.
          య! ముని పూజ జేయ నదిగొ తెచ్చెను చూడు
          యమున కేల వస్త్ర మాభరణము.

1. య = యస్ = ఔను

2. యమున కేల ? = యముడి కెందుకు
3. యమున కేల = యమున చేతిలో

పసులఁ గొల్చి ముక్తిఁ బడయుమయ్య

2011-11-24T06:58:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 14- 08 -2010 న ఇచ్చిన సమస్యకు నా పూరణ.

                    సమస్య - పసులఁ గొల్చి ముక్తిఁ బడయుమయ్య

ఆ.వె: ఆల మందలన్న నవి దేశ భాగ్యమ్ము
          గోవు తల్లి వలెను గొప్ప గాదె !
          మురళి లోలు డధిక ముచ్చట గాగాచు
          పసులఁ గొల్చి ముక్తిఁ బడయుమయ్య !!

మాధవుని శిరమ్మునెక్కె మందాకినియే

2011-11-23T07:08:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 13- 08 -2010 న ఇచ్చిన సమస్యకు నా పూరణ.

సమస్య - మాధవుని శిరమ్మునెక్కె మందాకినియే

కం: ఈ ధర జేరగ వీడుచు
       మాధవుని, శిరమ్మునెక్కె మందాకినియే
       వేద నుతుని జట ముడివడి
       వేదనతో మ్రొక్క, భవుడు వేడ్కను వదలెన్ !

నవమి నాఁడు వచ్చె నాగ చవితి

2011-11-22T06:43:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 12 - 08 -2010 న ఇచ్చిన సమస్యకు నా పూరణ.

సమస్య - నవమి నాఁడు వచ్చె నాగ చవితి

ఆ.వె: పుట్టినింటికి 'కళ' పురిటికి శ్రీరామ
          నవమి నాఁడు వచ్చె, నాగ చవితి
          దాటె, కలిగె నొక్క తనయుడు ముద్దార
          జూపి మురిసె భర్త చూడ రాగ.

వాణీ పుత్రునకు నెలుక వాహనమయ్యెన్.

2011-11-21T06:48:00.001+05:30

శ్రీ కంది శంకరయ్య గారు "శంకరాభరణం" బ్లాగునందు 11- 08 -2010 న ఇచ్చిన సమస్యకు నా పూరణ.

సమస్య - వాణీ పుత్రునకు నెలుక వాహనమయ్యెన్.

కం: వీణను మీటుట నాపుము
        వాణీ ! విను, భవుని లీల వాక్కొన వశమే?
        రాణీ ! గజముఖమును శ
        ర్వాణీ పుత్రునకు, నెలుక వాహనమయ్యెన్ !!

ఎలుక తోలు నుతికి తెలుపు చేసె.

2011-11-20T07:18:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 08- 08 -2010 న ఇచ్చిన సమస్యకు నా పూరణ.

సమస్య - ఎలుక తోలు నుతికి తెలుపు చేసె.

‘టామ్ & జెర్రీ’..కార్టూన్ ఫిలిం లో..

ఆ.వె: నలుపు తెలుపు జేయు ననుచు నొక్కడు మందు
          పిల్లి కమ్మెనొక్క ఫిల్ము నందు
          పని తనమ్ము జూడ ప్రక్కనే యున్నట్టి
          ఎలుక తోలు నుతికి తెలుపు చేసె.

సంసారిగ మారి యోగి సంతసమందెన్

2011-11-19T06:50:00.001+05:30

శ్రీ కంది శంకరయ్య గారు "శంకరాభరణం" బ్లాగునందు 07- 08 -2010 న ఇచ్చిన సమస్యకు నా పూరణ.

         సమస్య - సంసారిగ మారి యోగి సంతసమందెన్

కం: శాంసన్ యోగీ నక్సల్
     హంసా లక్ష్మిని వరించి యామెయె జెప్పన్
       హింసా ప్రవృత్తిని విడచి
       సంసారిగ మారి యోగి సంతసమందెన్.

ఆలి నంపుచుంటి నేలుకొనుము

2011-11-18T06:57:00.001+05:30

శ్రీ కంది శంకరయ్య గారు "శంకరాభరణం" బ్లాగునందు 06- 08 -2010 న ఇచ్చిన సమస్యకు నా పూరణ.

   సమస్య - ఆలి నంపుచుంటి నేలుకొనుము

       అల్లుని తో మామ...

ఆ.వె:   ఆరు మంది పిల్ల లాడ వా రాయెను
   ఏడు ఆడ దైన నేలు కొనను
           అనుచు పంపి నావు అబ్బాయి పుట్టెను
           ఆలి నంపుచుంటి నేలుకొనుము.

పంది యధర సుధలఁ గ్రోలి పరవశుఁడయ్యెన్.

2011-11-17T06:51:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 22- 07 -2010 న ఇచ్చిన సమస్యకు నా పూరణ.

సమస్య - పంది యధర సుధలఁ గ్రోలి పరవశుఁడయ్యెన్.

కం: అందిన ప్రియ నెచ్చెలియే
        అందించెను ప్రియునికి మధురాధర మపుడున్
        కందిన మోమున ' క్లోజ
        ప్పంది ' యధర సుధలఁ గ్రోలి పరవశుఁడయ్యెన్.

రాధా! యిటు రమ్మటంచు రాముఁడు పిలిచెన్

2011-11-16T06:53:00.001+05:30

శ్రీ కంది శంకరయ్య గారు "శంకరాభరణం" బ్లాగునందు 21- 07 -2010 న ఇచ్చిన సమస్యకు నా పూరణ.

సమస్య - రాధా!యిటు రమ్మటంచు రాముఁడు పిలిచెన్

కం: రాధను పిలిచెను కృష్ణుడు
        రాధా!యిటు రమ్మటంచు -'రాముఁడు పిలిచెన్
        బాధను పడకుము, ఆడెద
        రాధా ! మరి యన్న గూడ రాగా' యనియెన్ !

రాముడు = బలరాముడు

నా నాటికి తీసికట్టు నాగంభొట్లూ

2011-11-15T06:50:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 19- 07 -2010 న ఇచ్చిన సమస్యకు నా పూరణ.

సమస్య - నా నాటికి తీసికట్టు నాగంభొట్లూ

కం: మానాన్నే ఆరోగ్యము
        గానుండుట కొరకు తెస్తి గా తాయెత్తున్
        ఈ నాడే, చూడు బాగగు
         నా నాటికి, తీసికట్టు నాగంభొట్లూ!

గొడుగు కలిగి కూడ తడిసినాఁడు

2011-11-14T06:49:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 08- 07 -2010 న ఇచ్చిన సమస్యకు నా పూరణ.

సమస్య - గొడుగు కలిగి కూడ తడిసినాఁడు

ఆ.వె: గొడుగు నిచ్చి తల్లి బుడుగును బడికంపె
        వాన రాగ దారి లోన తాను
        పడవ జేసి యాడి పడిపడి చిందేసి
          గొడుగు కలిగి కూడ తడిసినాఁడు.

ఇంద్రునకును మ్రొక్కె చంద్రధరుఁడు.

2011-11-13T09:42:00.002+05:30

శ్రీ కంది శంకరయ్య గారు "శంకరాభరణం" బ్లాగునందు 02- 07 -2010 న ఇచ్చిన సమస్యకు నా పూరణ.

సమస్య - ఇంద్రునకును మ్రొక్కె చంద్రధరుఁడు.

శివస్య హృదయం విష్ణు: విష్ణోశ్చ హృదయగుం శివ:
(మాయాబజార్) మయా దర్పణం లో చూసిన వారికి తమకు ఇష్ట మైనది కనబడుతుంది.

ఆ.వె: మాయ దర్పణమ్ము మహాదేవుడే జూడ

తనదు మోము బదులు తారసిల్ల ,

శంఖ చక్రములతొ శయనించి యున్నయు

పేంద్రునకును మ్రొక్కె చంద్రధరుఁడు.

కాంతా రమ్మనెను యోగి కడు మోహమునన్

2011-11-12T06:49:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 30 - 06 -2010 న ఇచ్చిన సమస్యకు నా పూరణ.

సమస్య - కాంతా రమ్మనెను యోగి కడు మోహమునన్

కం: చింతలు దీర్చగ కావలె
        కాంతారమ్మనెను యోగి, కడు మోహమునన్
        వింతల లోకము దగులక
        చింతనతో తపము జేయ చిట్టడవియె మేల్ !

కాంతారము = అడవి

గుండ్రాతికి కాళ్ళు వచ్చి గునగున నడిచెన్

2011-11-11T06:43:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 29 - 06 -2010 న ఇచ్చిన సమస్యకు నా పూరణ.

సమస్య - గుండ్రాతికి కాళ్ళు వచ్చి గునగున నడిచెన్

కం: గుండ్రాయని పొర బడితిని
      గండ్రిసుకన పైన మెరసి కనబడుచుండన్!
      ఎండ్రియె యది, కాల్దగులగ
        గుండ్రాతికి కాళ్ళు వచ్చి గునగున నడిచెన్!!

రతము ముగియకుండ రమణి లేచె

2011-11-09T09:06:00.002+05:30

శ్రీ కంది శంకరయ్య గారు "శంకరాభరణం" బ్లాగునందు 27 - 06 -2010 న ఇచ్చిన సమస్యకు నా పూరణ.

సమస్య - రతము ముగియకుండ రమణి లేచె.

ఆ.వె: రాతిరి యెదురింటి రామాయణమ్మును

చెప్పి పిన్ని గార్కి చెవులు గొరికె,

రావె! యనగ భర్త, రమ్యమౌ పిన్ని భా

రతము ముగియకుండ రమణి లేచె.

సారా త్రాగుమని చెప్పి సద్గురు వయ్యెన్

2011-11-08T08:13:00.001+05:30

శ్రీ కంది శంకరయ్య గారు "శంకరాభరణం" బ్లాగునందు 25 - 06 -2010 న ఇచ్చిన సమస్యకు నా పూరణ.

        సమస్య - సారా త్రాగుమని చెప్పి సద్గురు వయ్యెన్.

' నివాస్' అను వాని బాధలు తగ్గించి ఒక స్వాముల వారు అతనికి గురువుగా మారిన విధం ...

కం: నారోగము తగ్గించగ
        మీరేదో మంత్ర మునిడి మేల్జేయమనన్
        తీరగు తీర్థమిది నివా
        సా ! రా ! త్రాగుమని చెప్పి సద్గురు వయ్యెన్ .

నిన్ను నిన్ను నిన్ను నిన్ను నిన్ను

2011-11-07T06:51:00.000+05:30

శ్రీ కంది శంకరయ్య గారు "శంకరాభరణం" బ్లాగునందు 24 - 06 -2010 న ఇచ్చిన సమస్యకు నా పూరణ.


                      సమస్య - నిన్ను నిన్ను నిన్ను నిన్నునిన్ను

ద్రౌపదిని పాండవులైదుగురు పెండ్లి చేసుకునే సమయంలో వ్యాసుడు వచ్చి వారి సందేహాన్ని తీర్చిన సందర్భం ....

ఆ.వె: పూర్వ జన్మ మందు శర్వుని పూజించి
          అడిగె తానుగ ' పతి ' నైదు మార్లు
          నాటి వరము వలన నాతి చేకొను నేడు
        నిన్ను నిన్ను నిన్ను నిన్ను నిన్ను.

మేడపైనుండి పడినను మేలు కలిగె

2011-11-06T07:48:00.001+05:30

శ్రీ కంది శంకరయ్య గారు "శంకరాభరణం" బ్లాగునందు 20 - 06 -2010 న ఇచ్చిన సమస్యకు నా పూరణ.

                 సమస్య - మేడపైనుండి పడినను మేలు కలిగె

తే.గీ: నర్సు భామను ప్రేమించి నాడు వాడు
          మేడ పైనుండి పడ చిట్లె మెడలు, జేర
          నాసుపత్రిని ' ఐలవ్యు ' యనెను భామ
        మేడపైనుండి పడినను మేలు కలిగె.